Атлетико Мадрид многу брзо доби јасна слика околу Џонатан Давид. Според информации од Шпанија, клубот е задоволен од настапите на напаѓачот уште во првите негови мечеви и веќе сериозно размислува неговиот престој да стане траен по крајот на сезоната 2026/27.
Во буџетот веќе се планирани 25 милиони евра
Канадскиот репрезентативец летово пристигна во Атлетико од Јувентус на позајмица со можност за откуп. Таа клаузула изнесува 25 милиони евра, а според „Релево“, во Мадрид веќе донеле одлука дека сакаат да го задржат.
Во извештајот се наведува и дека Атлетико однапред издвоил 25 милиони евра во буџетот за следната година за да го реализира постојаниот трансфер. Останува можност шпанскиот клуб да се обиде да преговара со Јувентус за пониска сума, но почетниот план е јасен.
Давид во Торино мина само една сезона, откако пристигна како слободен играч по истекот на договорот со Лил. Иако во Серија А запиша шест гола и четири асистенции, не успеа целосно да ги оправда очекувањата.
Во Ла Лига, сепак, стартот му е далеку поубедлив. На првите четири настапи има учество во гол на секој натпревар, со вкупно три погодоци и две асистенции. За исти такви бројки во дресот на Јувентус му беа потребни 19 натпревари во Серија А.
Учество во игри на среќа е дозволено за лица со 18+ години. Играј одговорно!