Преговорите помеѓу Милан и Рангник во застој

Преговорите меѓу Милан и поранешниот тренер на РБ Лајпциг, Ралф Рангник се во застој, пренесуваат италијанските медиуми.

Се чини дека стратегот ги „замрзнал“ разговорите за да стане следниот тренер на Милан, бидејќи е загрижен за буџетот за трансфери на тимот за следната сезона, поради кризата со коронавирусот.

 „Скај Италија“, сепак, вели дека е постигнат мал напредок во преговорите. Во меѓувреме, фудбалерите на „росонерите“ изразија желба да остане Стефано Пиоли. Тој потпиша двегодишен договор со Милан уште во октомври, но постои клаузула која му овозможува на клубот да го отпушти без надомест на крајот од оваа сезона.

Генералниот директор Газидис веќе подолго време преговара со Германецот, но легендата Малдини е исто така против неговото доаѓање во Милан.