Преговорите започнаа – Реал го најде новиот тренер!

Реал Мадрид после серијата лоши резултати реши да го отпушти тренерот Лопетеги и го намести Солари како привремено решение на клупата.

Раководството на „кралскиот“ клуб е во потрага по етаблирано тренерско име, а после неуспехот да ги ангажираат Конте и Мартинез сега ќе се насочат кон еден Португалец.

Станува збор за бившиот тренер на Монако, Леонардо Жардим кој од пред една недела е слободен. Шпанските медиуми пренесуваат дека „кралевите“ веќе го контактирале неговиот агент, Жорге Мендеш.

Реал Мадрид сака Жардим да го преземе тимот до крајот на годината и тука се јавува проблем бидејќи Португалецот сака подолг договор и долгорочен проект.

Ќе видиме како ќе се одвиваат работите, Жардим и во летото се споменуваше како една од опциите пред ангажманот на Лопетеги.

Како и да е, Реал нема многу време и ако не најде адекватна солуција, можно е Солари да остане на клупата до крајот на сезоната.