Неверојатниот Јан Облак влезе во историјата на Атлетико!

Атлетико Мадрид викендов го победи Атлетик Билбао со 2:0 и ја прекина серијата од три меча без победа во Примера.

Меѓутоа, овој натпревар го одбележа неверојатниот чувар на мрежата, Јан Облак кој своето име го запиша во историјата на Атлетико Мадрид, како голман со 95 натпревари без примен гол.

За Облак дуелот против Билбао беше 165-ти во дресот на Атлетико,што значи дека има неверојатен процент од 58% натпревари без примен гол. 

„Дефинитивно можам да кажам дека тој е најдобриот голман на светот. Се подобрува од година во година, исто како и тимот“, изјави Диего Симеоне.