Крај на една голема ера: Мануел Ноер најави кога се повлекува од репрезентацијата!

Легендарниот германски голман и симбол на Баерн, Мануел Нојер, се подготвува за својата 16-та сезона во дресот на баварскиот гигант, а тоа ќе биде вкупно неговото 21-во учество во Бундеслигата. Сепак, изгледа сè поизвесно дека сезоната 2026/2027 ќе биде последната во неговата кариера.

Иако се приближува кон својата 40-та година и минатата сезона не беше на нивото кое го посакуваше, заедно со настапот на Светското првенство и зголемената конкуренција од младиот Јонас Урбијг, Нојер во интервју за германскиот Bild искрено зборуваше за своите видувања и потврди дека се планира да ги закачи ракавиците летото 2027 година.

Овој германски чувар на мрежата, кој пред да им се придружи на Баварците играше пет сезони во Шалке 04, го објасни мотивот што го води да одигра уште една, проштална сезона.

Manuel Neuer hints that this is going to be his last season as a professional player: “I don’t play matches thinking, ‘This is my last game’ – regardless of whether it may be my final appearance at one stadium or another. But it certainly looks like I’m going to retire.”… pic.twitter.com/vKZ4X2bcFG

— Bayern & Germany (@iMiaSanMia) July 28, 2026

“Не играм размислувајќи дека секој натпревар може да биде мојот последен. Иако можеби тоа е последниот пат кога стапнувам на некој стадион. Но, изгледа многу веројатно дека ќе заминам во пензија. Во повеќето случаи, би ја завршил кариерата уште на крајот од минатата сезона, но едноставно е прекрасно да се игра во овој тим и со овој стручнa екипа. Секогаш имаме можност да се бориме за сите трофеи и како колектив сме на врвот. Поради ова, оваа екипа и структурата што ја имаме во клубот се тие 15 проценти што ме натераа да си кажам: ‘Морам да продолжам’. Ова е вистинско уживање”, кажа Нојер.

По повеќе од две децении на највисоко ниво, во кои редефинираше улогата на модерниот голман, љубителите на фудбалот ширум светот ќе имаат можност да го следат веројатно последното поглавје во кариерата на еден од најдобрите чувари на мрежата во историјата на овој спорт.