Меси ја одби неверојатната понуда од 1,5 милијарди евра: Нема ништо од најголемиот договор во историјата на фудбалот

Аргентинската фудбалска ѕвезда Лионел Меси уште еднаш покажа дека семејството му е најголем приоритет, дури и кога станува збор за незамисливи финансиски понуди.

Претседателот на саудискиот фудбалски клуб Ал-Итихад, Анмар Ал Хаили, откри дека неговиот клуб се обидел да го доведе Меси откако го напушти ПСЖ, нудејќи му договор каков што спортскиот свет дотогаш не видел.

Според неговите зборови, Ал-Итихад на легендарниот Аргентинец му понудил дури 1,5 милијарди евра за да ја продолжи кариерата во Саудиска Арабија.

Меѓутоа, и покрај рекордната понуда што би обезбедила финансиска иднина за неколку генерации, Меси не размислувал долго.

„Му понудивме 1,5 милијарди евра, но тој го одби нашиот предлог, бидејќи неговото семејство сакаше да живее во Мајами“, изјави Ал Хаили.