![](https://sportski.mk/wp-content/uploads/2023/05/Screenshot_16-8.jpg)
Реал Мадрид веќе ја загуби титулата во Ла Лига, а сега би можеле и да му бидат одземени бодови поради ситуацијата од натпреварот со Гетафе.
„Кралевите“ го победија Гетафе со 1:0 за викендот, но сега на зелена маса би можеле да останат без тие три бода. Денес Гетафе поднесе жалба за спорната замена која ја направи Реал Мадрид во финишот од натпреварот.
Лига Нации: Се освен прво место ќе биде катастрофа за Македонија! ↓↓↓
Одраизола во 84-тата минута требаше да влезе на местото на Асенсио и двајцата веќе се поздравија, н она самата линија Асенсио беше запрен од клупата. Поради повредата на Камвинга, Анчелоти одлучи Асенсио да остане во игра, Одраизола да биде замена за Камвинга.
Меѓутоа во Гетафе се повикуваат на правилото кое гласи: Замената е направена кога играчот од клупата ќе влезе на теренот.
Тие сметаат дека кога Одраизола веќе истрчал на теренот не смееле да се менува и Асенсио морал да биде тој што ќе излезе.
Од Комисијата за натпреварување порачаа дека ќе го разгледаат целиот случај, а Реал Мадрид ќе има три дена да одговори на обвинувањата. Сепак и да дојде до одземање на бодови, тоа нема да промени многу за Реал Мадрид затоа што Барселона веќе ја обезбеди шампионската титула.