Клоп потврди: Ориги заминува од Ливерпул

Јирген Клоп потврди дека Дивок Ориги ќе си замине од клубот.

Пред последното коло во Премиер лигата помеѓу останатите ситуации Клоп зборуваше и за Ориги.

„Тој е легенда на Ливерпул, еден од најважните играчи со кои сум работел. Очекувам да добие збогување какво што заслужи. Вистинско задоволство беше да се работи со него каде и да оди ќе биде одличен. Тој е одличен играч, одлично момче. Сите го сакаат во тимот, ќе ни биде тешко што заминува“, истакна Клоп.

Според последните најави Ориги кариерата ќе ја продолжи во Италија во редовите на Милан.