![](https://sportski.mk/wp-content/uploads/2019/12/solskjer-850x491.jpg)
Тренерот на Манчестер Јунајтед Оле Гунар Солскјер на денешната прес-конференција пред градското дерби против Манчестер зборуваше и за скандалот со насловната страна на „Кориере дело Спорт“.
„Кориере дело Спорт“ во вчерашното издание го најави денешното дерби помеѓу Рома и Интер со тоа што на насловната страна ги стави Ромелу Лукаку и Крис Смолинг со натпис „Црн Петок“.
Лига Нации: Се освен прво место ќе биде катастрофа за Македонија! ↓↓↓
Таа насловна страна крена голема прашина во фудбалскиот свет, а Солскјер како и поголемиот дел јасно ја осуди.
„Насловната на „Кориере дело Спорт“? Тоа е најлошата насловна страна која некогаш сум ја видел. Со Крис сме во контакт и добро знае дека сум на негова страна и дека ја има мојата поддршка. Исто е и со Ромелу. Не се разбирам многу во новинарството, но спроед мене таа насловна мораше да биде повлечена и весникот ако ништо друго барем да се извини“, изјави Солскјер.
Денес претходно со објаснување на насловната страна излезе и главниот уредник на „Кориере дело Спорт“, Иван Занзони. Тој не се извини, дури и се закани со тужби – повеќе за ова тука.