„Росонерите“ доживеаа дебакл на „Олимпико“, Лацио одигра фантастичен натпревар и го „понижи“ клубот кој потроши најмногу ова лето…
Поразот во Рим од 4:1 беше и прв за Милан во новата сезона, Чиро Имобиле си поигруваше со одбраната на „росонерите“ и успеа да постигне хет трик.
До кога ќе дишеме отровен воздух!? | Уште еден поткаст
Навивачите се незадоволни, токму од ова стравуваа, Милан славеше против Крајова и Шкендија во квалфикациите од Лигата на Европа, како и против Кротоне и Каљари во првенство, но кога на ред дојде првиот посериозен испит, следуваше дебакл.
Поголемиот дел од незадоволните навивачи на италијанскиот гигант „прстот го насочуваат“ кон слабиот настап на Леонардо Бонучи, најголемото засилување на клубот од „Сан Сиро“ минатото лето.
Поранешниот дефанзивец на Јувентус не беше на своето ниво, а навивачите на Јувентус веќе започнаа да го „понижуваат“ со зборовите дека сега ги нема Брзаљи и Киелни да го покриваат и да ги поправаат неговите грешки.
Сепак, Монтела после натпреварот откри дека разговарал со искусниот дефанзивец и му ставил до знаење дека целиот клуб стои зад него и дека нема никакви причини за грижа.
Учество во игри на среќа е дозволено за лица со 18+ години. Играј одговорно!