Двајца фудбалери на Барселона одбиле намалување на платите, а тоа е проблем за враќањето на Меси

Лионел Меси веќе подолго време се поврзува со враќање на Барселона, но за да се врати Меси во Каталонија клубот мора да обезбеди големи финансии, а во исто време и да остане во границите на фер-плејот.

Едно од решенијата е намалување на платите на неколку фудбалери, но не се сите среќни и некои од нив одбиваат да постапат по насоките од клубот.

Шпанските медиуми пренесуваат дека Франк Кеси и Андреас Кристенсен го одбиле предлогот за намалување на платите и така директно се спротиставиле на желбата на клубот да ги намали расходите за околу 200 милиони евра.

Меси е под договор со ПСЖ до крајот на сезоната и засега нема најави за продолжување, се тврди дека и тој чека да види како ќе се развива ситуацијата во Барселона.