Вардар немоќен во Полска, Кјелце до победа со десет разлика

Екипата на Вардар денес доживеа тежок пораз од Кјелце на гостински терен со резултат 35:25.

Пред само една недела црвено-црните одигра реми во Скопје со полскиот тим (28:28). Меѓутоа денес Кјелце беше подобрито тим и однесе убедлива победа.

Во првото полувреме Вардар се држеше во живот и Полјаците на полувреме заминаа со три гола предност 17:14. Стартот на второто полувреме донесе лоша игра на Вардар и Кјелце направи предност од 24:18 и во продолжние предноста на домаќинот само растеше.

Очигледно беше дека тимот на Кокшаров повторно потфрли во одбраната и најголем проблем беа голманите, единствено може да се издвои младиот Марко Кизиќ кој не доби некоја голема минутажа но покажа дека има потенцијал.

Фото: Рк Вардар