Косово во ист ден со Македонија го претстави новиот дрес – ќе соработува и со ист бренд!

Во ист ден кога Македонија ги претстави новите дресови, истото го стори и косовската репрезентација, која исто така ќе настапува во опрема од истиот бренд.

Според најавите, во наредните две сезони дури десет европски селекции, меѓу кои и Македонија и Косово, ќе добијат посебно креирани дизајни од „Адидас“, изработени во тесна координација со националните федерации.

Дополнително, Фудбалската федерација на Косово ќе може да ја користи и ексклузивната услуга „Locker room“, која овозможува креирање и нарачка на персонализирана спортска опрема. Целта на оваа платформа е да обезбеди врвен квалитет, но и достоинствен изглед на репрезентацијата на меѓународната сцена.