Разговорите со Мануел Нојер продолжуваат, објавија од Баерн

Преговорите помеѓу Баерн Минхен и Мануел Нојер за евентуалното продолжување на останувањето на голманот продолжуваат. 40-годишниот страж има договор само до крајот на сезоната, но двете страни имаат желба за продолжување. Во таа врска, вчера агентот на капитенот Томас Крот беше во клубската канцеларија на Баварците.

Информацијата за преговорите беше потврдена и од спортскиот директор на Баерн Кристоф Фројнд. “Секако дека разговараме. Сезоната речиси заврши, па водиме преговори. Имаме добри разговори, но уште не сме на фаза каде што можеме да направиме официјално објавување”, изјави тој денеска.

Во овој момент, 22-годишниот Јонас Урбиг се истакнува како единствена алтернатива за Нојер. Резервниот голман добива сè повеќе шанси, и досега има 18 натпревари во сезоната. Тој дури ќе започне против Хајденхајм во сабота.

“Кога доаѓаш тука како млад голман како Јонас Урбиг и имаш можност да работиш со овој тим од тренери и други голмани, тоа е нешто посебно,” изјави Фројнд за него. – „Впечатливо е како се однесуваат еден кон друг. Видно е дека има многу добра атмосфера. Ману го пренесува своето искуство и покажува одлични настапи. Јонас го користи тоа. Сите знаат дека кога некој како Ману го обележува цело едно време, неговото наследување е голем предизвик.“