Дома Фудбал Агуеро: Барселона е чекор напред во кариерата

Агуеро: Барселона е чекор напред во кариерата

Аргентинскиот напаѓач Кун Агуеро од денес и официјално е нов играч на Барселона.

Агуеро доаѓа како слободен играч од Манчестер Сити и потпиша двегодишен договор со каталонскиот гигант.

За Аргентинецот ова е враќање во Примера каде ја доживеа својата фудбалска афирмација во дресот на Атлетико Мадрид.

„Сите знаеме дека Барселона е најдобриот клуб на светот. Мислам дека донесов добра одлука да дојдам тука и се надевам ќе му помогнам на клубот. Секако дека ова е чекор напред во мојата кариера, многу сум среќен и се надевам ќе помогнам да се освојат титули“, истакна Агуеро.

„Како прво, сакам да играм и да им помагам на моите соиграчи. Ако на тимот му оди добро, јас ќе бидам среќен. Ги поздравувам сите наши навивачи и ветувам дека ќе дадам се од себе за да го исполнам ветувањето“,додаде Аргентинецот.

Коментари
Прочитајте поврзани статии
Load More In Фудбал

Проверете

Желбите на Конте за јануарскиот преоден рок

Новиот тренер на Тотенхем, Антонио Конте инсистира да бидат активни во јануарскиот преоден…