Циндриќ е ракометар на годината во Хрватска

Покрај тимските награди што ги собра Вардар во Македонија за постигнатиот успех, и повеќемина наши ракометари исто така добија и индивидуални признанија. Лука Циндриќ е избран за најдобра ракометар во Хрватска за 2017 година во изборот на ХРС и спорсткиот весник Спортске Новости.

Во изборот на најдобрите пет ракометари на Хрватска, дури тројца беа од Вардар. Лука Циндриќ победи со 72 гласа пред Иван Чупиќ кој доби 45 гласа и Игор Карачиќ како третопласиран со 21 бод.