Станува збор за трансфер кој би претставувал големо изненадување, особено заради името на играчот кој би можел да ја промени средината и да ја продолжи кариерата во целосно ново опкружување.
Како што јавува турскиот новинар Јагиз Сабунџуолу, Галатасарај сериозно тргна во реализација на оваа зделка и веќе направи конкретен потег кон еден од гигантите на европскиот фудбал.
Метата на турскиот клуб е Рафаел Леау, португалскиот репрезентативец и една од најголемите ѕвезди на АЦ Милан.
Галатасарај и Милан моментално водат напредни преговори околу трансферот на 27-годишниот крилен напаѓач, а ситуацијата според информации од Турција е многу сериозна.
Сабунџуолу тврди дека Галатасарај е спремен да одвои огромна сума пари за да го доведе Леау во Истанбул и да направи едно од највпечатливите засилувања во својата историја.
Турскиот гигант според пишувањата на новинарот понуди на Милан 45 милиони евра, со дополнителни бонуси кои би можеле да ја зголемат вредноста на целата зделка.
Станува збор за износ кој јасно покажува колку Галатасарај сака да го реализира трансферот, но останува прашањето дали таквата понуда ќе биде доволна за да го убеди Милан да се откаже од својот важен играч.
Леау последните години беше еден од најважните фудбалери на италијанскиот гигант, а особено се истакнуваше со своите продори, брзина и способност да направи разлика во ситуации еден на еден.
Учество во игри на среќа е дозволено за лица со 18+ години. Играј одговорно!