Фудбалерот на Интер нова мета на крадците во Италија

Во последниот период фудбалерите се честа мета на крадци, а последен во низата е Стефано Сенси.

Крадците во домот на фудбалерот на Интер влегле додека тој бил на стадионот „Џузепе Меаца“. Од неговиот дом крадците однеле часовник од 70.000 евра, додека вкупната вредност на украдените предмети изнесува 200.000 евра.

Во Италија неодамна мета на крадци беа Антонио Ди Натале и фудбалерот на Наполи, Адам Оунас, како и голманот на Џенова Салваторе Сиригу.