„Нема пари за кој би преминал во Јувентус – тоа би било чекор назад во мојата кариера“

Фудбалерот од редовите на Болоња, Рикардо Калафори е желба на Јувентус, меѓутоа тој сега истакна дека никогаш не би потпишал за Јувентус.

Причината поради која Калафори не сака да премине во редовите на Јувентус е неговиот татко кој ја мразел „старата дама“. Дури трансферот од Болоња во Јувентус го опиша како чекор назад во кариерата.

„Трансфер од Болоња во Јувентус би бил чекор назад во кариерата. Болоња е клуб кој работи на исправен начин и среќен сум тука. Мојот татко го презира Јувентус, а јас го почитувам татко ми. Не постојат пари за кој би заминал таму“, изјави Калафори.

Неговиот договор со Болоња има важност до 2027 година.