Словенија ја прекина негативната серија со победата од 2-0 над Македонија во синоќешниот натпревар, во кој домашната селекција остави многу подобар впечаток и заслужено ги освои трите бода.
Пред дуелот со македонската репрезентација, Словенците имаа само една победа на последните 11 средби, па триумфот во Љубљана за нив претставуваше значајно олеснување. Сепак, селекторот Боштјан Цесар по натпреварот повика на смиреност и порача дека нема простор за преголема еуфорија.
„Среќен сум што втор натпревар по ред не примивме гол и што верувавме дека ќе стигнеме до погодок. По ударот на Випотник во гредата на почетокот малку се вознемиривме, но останавме смирени и успеавме да ги искористиме шансите. Им честитам на играчите, одиграа одличен натпревар и ова треба да биде наша појдовна точка“, изјави Цесар.
Словенечкиот стратег сепак предупреди дека тимот мора да продолжи да работи и да напредува од натпревар во натпревар, без да се создава атмосфера на еуфорија по победата над Македонија.
„Игравме против добар тим, но Македонија сепак не е во самиот врв на европскиот фудбал“, додаде Цесар.
Македонија до крајот на овој циклус во Лигата на нации ја очекуваат уште два натпревари. Во сабота избраниците ќе ја пречекаат Шкотска, додека три дена подоцна ќе гостуваат кај Швајцарија.
Учество во игри на среќа е дозволено за лица со 18+ години. Играј одговорно!