Големо засилување за шампионот: Струга се засили со играч од унгарски Ујпешт!

Aктуелниот шампион во ПМФЛ, екипата на Струга Трим Лум се пофали со големо засилување во своите редови.

Струга ја чекаат и европските квалификации летово, па со цел за добар настап од денес нов член на клубот од покрај езерот е Стефан Јевтовски.

Јеветовски пристигнува како слободен играч откако му истече договорот со унгарски Ујпешт.

Станува збор за фудбалер кој зад себе има солидна интернационална кариера во која играше за Арсенал Киев, Вараждин и Локомотив Пловдив, додека во Македонија беше дел од Работнички и Металург.