Вардар потврди уште едно засилување

Вардар продолжува да се засилува, а нов играч на „црвено-црните“ е 26 – годишниот словенечки интернационалец Лука Шушњара.

Шушњара доаѓа од екипата на Валета од Малта, а игра на позицијата лево крило.

Во досегашната кариера има настапувано за Домжале, Цеље, Мура, Копер, Табор Сежанa, Ролтек Доб (Словенија) Шамбли (Франција) Висла (Полска), Шибеник (Хрватска), Валета (Малта), како и за младиот тим на Аталанта.

Со доаѓањето на новиот тренер Вардар значително се засили оваа зима, а целта е секако да се избори опстанок во елитата.