„Земјотрес“ во соблекувалната на Манчестер Јунајтед, Аморим целосно полуде и отпиша еден од ѕвездите

Андре Онана повторно е во центарот на вниманието по уште едно катастрофално издание во дресот на Манчестер Јунајтед и изгледа дека тоа беше капката што ја прелеа чашата кај Рубен Аморим и челните лица на англискиот великан.

Манчестер Јунајтед настапи во четвртокот на гости против Лион во натпревар од четвртфиналето на Лига Европа кој заврши со резултат 2:2.

Црвените ѓаволи по пресвртот водеа со 2:1 во Франција и беа на чекор до победата, но потоа во 95. минута Лион успеа да се врати и да дојде до изедначување.

Голот за францускиот тим го постигна Черки, но она што го одбележа тој погодок беше неверојатната грешка што ја направи Андре Онана.

Голманот на Манчестер Јунајтед реагираше очајно на ударот од еден од играчите на Лион и топката ја одби до Черки, кој немаше проблеми да го совлада и постигне гол за 2:2.

Онана по мечот во Лион повторно беше на мета на жестоки критики бидејќи тоа е неверојатно какви грешки Камерунецот прави од натпревар во натпревар.

Од кога пристигна во Манчестер Јунајтед летото 2023 година, за него престојот на Олд Трафорд е вистински кошмар бидејќи прави неверојатни грешки, но она што е уште поневеројатно за навивачите е дека тој сѐ уште е прв голман.

Меѓутоа, по натпреварот со Лион тренерот на гостите Рубен Аморим целосно ги загуби нервите во соблекувалната и одржа предавница на Онана пред целиот тим и му порача дека грешките што постојано ги прави се неприфатливи и дека повеќе нема да ги толерира.

Фото: Manchester United/FB