Ваков срамен потег не се памети: Среде трка со палката ја удри противничката (Видео)

Училишното атлетско натпреварување во американската сојузна држава Вирџинија се претвори во драматичен инцидент, кога младата атлетичарка Кејлен Такер задоби сериозни повреди откако беше удрена со палка за време на штафетната трка.

Такер, ученичка во средното училиште Бруквил, трчаше втората измена во финалната трка на 4×200 метри, кога натпреварувачка од средното училиште Норком ја удри со палка во тилот – додека Такер ја претекнуваше од надворешната страна на патеката.

По силниот удар, тинејџерката ја изгуби рамнотежата, излезе од патеката и падна, држејќи се за главата.

Судиите веднаш реагираа и го дисквалификуваа тимот на Норком поради „контактна интерференција“, но штетата веќе била нанесена. Според извештајот на ABC, Такер веднаш добила медицинска помош поради потрес на мозокот и можно пукање на черепот.