Австралискиот тенисер Ник Кирјос ја прифати едномесечната суспензија што му ја изрече Меѓународната агенција за интегритет на тенисот (ITIA), откако бил позитивен на метаболит од кокаин за време на тестирање надвор од натпреварувањето.
Да потсетиме, поранешниот финалист на Вимблдон беше привремено суспендиран уште во август, кога стигнаа првите резултати од тестирањето на примерокот земен на почетокот на летото во Шпанија. Кирјос веднаш ја презеде целата одговорност за инцидентот, опишувајќи го својот потег како „голема грешка“.
По деталната истрага, ITIA утврди дека кокаинот бил консумиран надвор од натпреварувањето и за приватни цели, и дека супстанцата не била користена за подобрување на спортските перформанси. Поради тоа му беше овозможено олеснување на казната во траење од еден месец, што Австралиецот целосно ја прифати и веќе ја одслужи преку периодот на привремена суспензија.
Учество во игри на среќа е дозволено за лица со 18+ години. Играј одговорно!