Teн Хаг повторно во Јунајтед носи засилување од Ајакс?

Манчестер Јунајтед игра уште една сезона во која навивачите немаат многу причини за радост.

„Црвените ѓаволи“ веќе претрпеа елиминација од европските натпреварувања, а не се и во добра позиција во Премиер лигата каде што заостануваат девет бодови зад местата кои водат во Лигата на шампионите.

За избраниците на Ерик Тен Хаг е потребно што е можно побрзо да влезат во добра серија за да извлечат колку што е можно подобра сезона. Секако за такво нешто потребни се и засилувања, а Ерик Тен Хаг изгледа пронашол засилување во Ајакс.

Во прашање е напаѓачот Брајан Броби кој дебитираше за холандскиот гигант во времето кога Тен Хаг го водеше овој клуб.

Зад себе Броби има 101 настап за Ајакс и во нив постигна 40 гола додавајќи 11 асистенции. Освен за Ајакс во кариерата го носеше и дресот на Лајпциг.