Од отпишан до МВП признание: Јовиќ стана најдобар играч во Милан

Српскиот фудбалер Лука Јовиќ е прогласен за играч на месецот во Милан. Се шпекулираше за заминувањето на Јовиќ од Милан, тој беше „непосакуван и отпишан“, а сега изгледа дека е неопходен за тимот.

Кога изгледаше дека српскиот напаѓач отпаднал од сите планови на Милан, сега успеа да го привлече вниманието на фудбалската сцена кон себе.

Со головите против Наполи и Фиорентина заработи место во стартната постава, а со два гола во реваншот на полуфиналето на Купот против Интер целосно ја оправда укажаната доверба.

Се чини дека со тоа го обезбеди опстанокот и подобрите денови на Сан Сиро. Додека се чека официјализирање на продолжување на соработката, Јовиќ доби убаво признание. Српскиот напаѓач е на официјалната страница на Милан изгласан за играч на месецот.

Фото: Принтскрин