Maнчестер Јунајтед пронајде засилување, но ќе треба да плати 100 милиони евра

По очајните резултати во есенскиот дел од сезоната, се очекува Манчестер Јунајтед да бара засилувања во зимскиот преоден рок, но тоа нема да биде лесно.

Според пишувањето на португалските медиуми, една од најголемите желби на Ерик Тен Хаг е Жоао Невес од Бенфика која има 19 години и игра одлична сезона во Бенфика.

Бенфика е позната по тоа што скапо ги продава своите фудбалери, а спортскиот директор Руи Коста веќе ги известил претставниците на Јунајтед дека Невес може да замине само ако биде платена откупната клазула.

Клазулата во договорот на Невес изнесува 100 милиони евра. Сезонава Невес одигра 25 натпревари постигна еден и запиша една асистенција.

Ќе потсетиме Јунајтед вчера ја заврши продажбата од 25% од своите акции на Сер Џејми Ратклиф кој ќе биде должен да вложи 300 милиони евра.