Фердинанд: Манчестер јунајтед ќе доживее колапс ако се врати Рашфорд во тимот!

Англискиот голгетер Маркус Рашфорд поминува низ тешки денови во Манчестер јунајтед бидејќи, по одлука на тренерот Рубен Аморим, веќе подолго време го нема во составот, а според мислењето на поранешниот ас на „Црвените ѓаволи“ Рио Фердинанд, нема повеќе враќање на „Олд Трафорд“.

Причина за ваквиот став на човекот кој со Немања Видиќ го сочинуваше еден од најдобрите стоперски тандеми во Јунајтед беше изјавата на Аморим дадена претходниот ден.

Португалскиот стручњак рече дека би претпочитал да го стави на клупата за резервни играчи 63-годишниот тренер на голманите отколку играч без мотивација, што беше сигнал за Фердинанд да го предупреди Рашфорд за иднината во клубот.

„Да сум јас играчот за кој менаџерот изговори нешто вакво, моето срце, гордост и его би биле понижени. Да некој го доведе во прашање вашето вложување и дали давате сè од себе, покажувајќи дека ви недостасува труд, е осудувачки коментар. По сè тоа за Маркус нема повеќе враќање во тимот“, беше категоричен Фердинанд во разговорот на својот „Јутјуб“ канал.

Поранешниот англиски репрезентативец нагласи дека во случај на враќање на Рашфорд во тимот ќе настане колапс во редовите на Јунајтед затоа што другите играчи ќе престанат со залагање.