Фјури го избрка татко му од тимот пред борбата со Усик!?

Најдобрите светски боксери во тешка категорија, Олександр Усик и Тајсон Фјури, ќе се борат во сабота околу 22 часот во реваншот за три од четирите големи појаси на светските шампиони. Украинецот во првиот меч го победи Британецот со судиска одлука и стана апсолутен светски шампион. Усик меѓувреме го загуби ИБФ-појасот поради посебните правила на организацијата, така што тој појас нема да го освои победникот на оваа борба која ќе се одржи во Ријад.

Таткото на Фјури, Џон (59), нема да биде во аголот на неговиот син за време на борбата, потврди тренерот. Да потсетиме, Џон Фјури во мај, пред првата борба на Тајсон и Усик, предизвика инцидент така што се скара со член на тимот на Украинецот, Станислав Степчук. Го удри со глава и му ја раскрвари челото, а потоа се извини, но сепак нема да биде покрај рингот за да го бодри синот.

„Дејли Мејл“ претпоставува дека Тајсон одлучи да го избрка татко си од аголот за полесно да се фокусира на мечот.