Eден од најпознатите светски судии утре го суди својот последен натпревар во ЛШ

Еден од најпознатите светски судии Феликс Брих става крај на неговата голема кариера на меѓународна сцена.

Легендарниот германски арбитар ќе дели правда на дербито во Лигата на шампионите кое утре го играат Реал Мадрид и Интер. Тоа ќе биде неговиот последен натпревар на интернационална и највисока сцена за судијата кој во 2021 година беше избран за најдобар според ИФФХС.

Феликс во Лигата на шампионите делел правда на 68 натпревари со што е рекордер во најелитното европско натпреварување. Интересно е што неговиот последен натпревар ќе биде прв во кој му суди на Интер. Калчолигашот ќе биде 71. клуб во Европа кој играл во натпревар во кој судел Брих.