Eве како би изгледал Јувентус ако успее да го доведе Нејмар (ВИДЕО)

Бразилските и шпанските медиуми овие денови пишуваат дека Јувентус преговара со ПСЖ за Нејмар.

Според информациите Јувентус во Париз би испратил сума од 100 милиони евра и Паоло Дибала. Тешко е да се верува на ваков расплет, посебно поради тоа што не е познато дали Јувентус би имал финансика моќ после платата на Роналдо да издвои уште една астрономска.

Преодниот рок во Италија трае до 2-ри септември и до тогаш управата на Јувентус ќе има рок да доведе една од најголемите ѕвезди во спортот воопшто.

Во меѓувреме шпански „АС“ објави видео од идеалните 11 на Јувентус со Нејмар во тимот.

На голот е Шчесни, додека последната линија е составена од: Алекс Сандро, Де Лихт, Бонучи и Данило. Триото во средината е Пјаниќ, Рабио и Кедира, додека нападот би го предводеле Нејмар, Роналдо како централен напаѓач и Бернардески по десната страна.