Депај се извини по пресудата: Возев пијан, требаше да најдам такси

Мемфис Депај беше осуден на условна казна затвор од четири месеци поради возење под дејство на алкохол. Фудбалерот се огласи во јавноста и се извини за своето однесување.

Инцидентот се случил во август минатата година, кога Депај бил запрен од полицијата додека се враќал од ноќен клуб. Притоа, тестовите покажале 1.01 промили алкохол во неговата крв.

„Би сакал да се извинам за моето однесување. Минатото лето, за време на одморот во Монако, направив грешка возејќи по неколку пијачки. Требаше да се одлучам за такси“, изјави Депај.