Вардар ја прегази Валнерина во Италија

Македонскиот шампион Вардар успешно ја продолжува подготовката во Италија, откако убедливо триумфираше над Валнерина со 4-1 во контролен натпревар одигран во Норчија.

„Црвено-црните“ рано ја презедоа иницијативата и поведоа во 15. минута преку Бабунски. Предноста беше удвоена во 37. минута кога во листата на стрелци се запиша Омерагиќ.

До крајот на првото полувреме избраниците на Вардар продолжија со офанзивната игра и постигнаа уште два гола. Најпрво погоди Закариќ, а потоа мрежата на италијанскиот тим ја затресе и Торес за убедливи 4-0.

Во финишот од првото полувреме Валнерина успеа да го постигне почесниот погодок, но тоа не влијаеше врз конечниот исход. Вардар рутински го приведе натпреварот до крај и забележа сигурна победа од 4-1.