Аталанта по 15 натпревари не постигна гол, Лече го освои Емполи (Видео)

Фудбалерите на Аталанта, нетипично за нивните стандарди, одиграа нерешено 0:0 на гостувањето кај Удинезе во натпреварот од 20-то коло на Серија А, со што го прекинаа низот од 15 натпревари на кои постигнаа барем еден гол.

Иако Удине не се смета за идеално место за гостување, малкумина очекуваа дека Аталанта ќе се мачи против домаќинот од “Фриули”.

Првата сериозна можност на натпреварот Удинезе ја имаше во средината на првото полувреме кога шут проба францускиот везист Флоријан Тован, но неговиот удар заврши покрај голот.

Десетина минути подоцна се обиде и словенечкиот стопер Јака Бижол, но неговиот удар со глава по прекин беше неуспешен, па така во продолжение влегоа со најнепопуларниот резултат.

Малку недостасуваше мрежата да се затресе во последната минута од првиот дел на играта, но искусниот чилеански фудбалер Алексис Санчез ја погоди стативата, а по одбиената топка се затресе пречката. Тоа беше убедливо најголема шанса на натпреварот и вистинско чудо е како Санчез не успеа да реализира од оваа ситуација.

Недолго потоа добра шанса имаше и Санди Ловриќ, но неговиот удар на одбиената топка од пречката не успеа да го изненади голманот Карнесеки.

Безидејноста во играта на гостите од Бергамо се почувствува и во првите минути од продолжението, па тренерот на Аталанта, Џан Пјеро Гасперини, ги испрати на теренот Лазар Самарџиќ и Николо Заниоло, испраќајќи ги на клупа Марио Пашалиќ и Адемола Лукман, кои што ќе сакаат што побрзо да го заборават гостувањето во Удине.

Ниту нивното присуство на теренот не промени многу, па така Аталанта со второ последователно реми го препушти првото место на Наполи кој сега има два бода предност.

Во вториот натпревар на денот, фудбалерите на Лече ја остварија првата победа во овој век на гостувањето во Емполи, откако овој попладне се радуваа против истоимениот клуб со резултат 2:1.