Аморим отпиша една од ѕвездите: Ова е за доброто на клубот!

Манчестер Јунајтед загуби во лудиот натпревар од Карабао Купот против Тотенхем со 3-4 и испадна од натпреварувањето. Тренерот на Јунајтед, Португалецот Рубен Аморим повторно го изостави Маркус Рашфорд од составот.

Тренерот на „ѓаволите“ по натпреварот изјави дека не му е жал за потегот.

„Чувствувам дека направив вистинска работа за тимот. Не мислам дека ова беше грешка. Мораме добро да ги избираме играчите. Секогаш се трудам, давам се од себе за да направам што е најдобро за тимот”, изјави тренерот на Јунајтед.

Рашфорд беше голем потенцијал и запиша 60 настапи и постигна 17 голови за англиската репрезентација, но повеќе не добива повик од селекторот.