Јуве го најде наследникот на Манџукиќ во Германија

Иако раководството на Јувентус неодамна потпиша нов договор со Марио Маџукиќ, италијанскиот шампион бара долгорочно решение за позицијата централен напаѓач.

Според пишувањето на италијанските медиуми, Јувентус е силно заинтересиран за ѕвездата на Лајпциг и германски репрезентативец Тимо Вернер.

Вернер има само 22 години и веќе две сезони игра на високо ниво во Лајпциг и е стандарден германски репрезентативец, па е на мета на најголемите европски клубови.

Манџукиќ е во одлична форма и оваа сезона, но Хрватот е единствениот класичен напаѓач во тимот на „старата дама“. Поради тоа сметаат дека Вернер ќе биде идеално засилување и долгорочно решение.

Сепак, „бјанконерите“ ќе треба да се изборат со жестока конкуренција бидејќи за Германецот интерес покажуваат Баерн Минхен, Реал Мадрид и неколку клубови од Премиер лигата.

Лајпциг нема лесно да се откаже од својот најдобар фудбалер и за неговата слобода бара 80 милиони евра.