Ноќ достојна на Лигата на шампионите: Милан и Јунајтед шутираа 26 пенали, Јуве го победи Баерн, Ливепрул подобар од Сити (видео)

Изминатата ноќ многу натпревари беа на програмата.

Поретходната ноќ ја обележија натпреварите од пријателскиот Инетернационален куп, а посебно се издвои натпреварот помеѓу Милан и Манчестер Јунајтед.

На „Стабхаб Центарот“ во Карсон, Милан и Манчестер Јунајтед ремизираа 1:1, така што Сусо и Санчез беа стрелци во првите 15 минути, а потоа мрежите мируваа до самиот крај, па се пристапи кон изведувањето на пенали.

Интересно е што Гатузо направи шест измени кај Милан, додека Мурињо замени само тројца како да се играше стандарден официјален натпревар, иако имаше прилично „шарен“ состав.

Пеналите стигнаа дури до 13-та серија, за на крајот Јунајтед да слави со 9:8. Посебен куриозитет беше што играчите на „црвените ѓаволи“ имаа три промашени пенали во низа, Мектомини, Переира и Бејли не се прославија, потоа промаши и Хамилтон, додека кај Милан потфрлија Борини, Сусо, Ромањоли, Маури и Кеси.

Тотенхем запиша убедлива победа над Рома од 4:1. Иако Рома повеќе со голот на Шик во третата минута, Љоренте со два гола до 18-та минута го сврте резултатот, конечниот резултат беше поставен уште во првото полувреме со двата гола на Лукас.

Јувентус без Роналдо кој од понедлник започнува со тренинзи го победи Баерн со 2:0 во Филаделфија, двата погодоци ги постигна Фавали во 32-та и 40-та минута.

Во англиското дерби, Манчестер Сити беше поразен од Ливерпул со 2:1, иако од 57 минута водеше со голот на Сане. Салах изедначи нешто подоцна, за Мане во последните секунди да постигне гол за победа.

Натпреварот помеѓу Борусија и Дортмунд заврши без победник 2:2, Португалците славеа после изведувањето на пенали со 4:3.