Фергусон за Венгер: Ривал, колега и пријател

Легендарниот менаџер на Манчестер Јунајтед, Алекс Фергусон зборуваше за одлуката на својот пријател Арсен Венгер да го напушти Арсенал на крајот на сезоната.

Венгер цели 22 години беше на кормилото на Арсенал, а во поголемиот дел од кариерата најголем ривал му беше токму Фергусон.

„Навистина сум среќен за Арсен Венгер. Имам огромна почит кон него и работата која ја заврши во Арсенал. Тоа што посвети 22 години од животот на Арсенал е доказ за неговиот талент, професионализам и решителност. Добро е што ја објави веста во овој дел од сезоната, за да може да го добие испраќањето кое го заслужува. Тој е без сомнеж еден од најголемите менаџери во Премиер лигата и се гордеам што беше мој ривал, колега и пријател“, изјави Фергусон.