Тони Фергусон продолжува со одлични настапи во 2025 година. Некогашниот привремен УФЦ шампион во лесна категорија ја освои титулата на Misfits Boxing во средна категорија откако во саботата во Дубаи, на настанот Misfits Mania, убедливо го победи Ворен Спенсер.
По тешкиот период и осум последователни порази кои го означија крајот на неговата УФЦ кариера, изгледа дека Фергусон целосно ја промени среќата. Победата против Спенсер му беше втора оваа година, со што 42-годишниот „Ел Кукуи“ потврди дека се уште има што да понуди во боречките спортови и со голем замав влегува во 2026 година.
Воздухот што нè убива: Зошто Скопје е меѓу најзагадените градови?
Фергусон од самиот почеток го наметна својот ритам, постојано притискајќи го Спенсер и исцрпувајќи го со прецизни удари во глава и тело. Иако ова му беше само втор професионален боксерски меч, Фергусон покажа завидна тактика која кулминираше со соборување на Спенсер во втората рунда. По пет рунди целосна контрола, судиите едногласно одлучија во негова корист со резултат 49-45, 49-45 и 48-46.
ТОНИ ФЕРГУСОН ПОВТОРНО ПОБЕДИ! pic.twitter.com/LHXo5Rhw3Q
— Дови🔌 (@DovySimuMMA) 20 декември, 2025
Учество во игри на среќа е дозволено за лица со 18+ години. Играј одговорно!