Фудбалерите на Баерн го продолжија својот победнички ритам оваа сезона, совладувајќи го актуелниот европски шампион Пари Сен Жермен на Паркот на принцовите со 2:1, и така се искачија на врвот на табелата во Лигата на шампионите. Луис Диаз беше јунакот, но и трагичарот на гостувањето против европските шампиони.
Колумбискиот напаѓач веќе во 4. минута постигна гол, испраќајќи ја топката во мрежата откако беше одбиена после удар на Мајкл Олисе. Потоа, во 32. минута, успеа да ја украде топката од капитенот на Пари Сен Жермен, Маркињос, и повторно да го совлада голманот за предност од 2:0.
Совршен старт на сезоната
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Сепак, во дополнителното време на првото полувреме, својот голгетерски учинок го замрачи со невнимателен и непотребен старт врз ногата на Ашраф Хакими, што резултираше со потешка повреда на мароканскиот репрезентативец. Иако првично судијата Мариани му покажа жолт картон на Диаз, по прегледот на снимката, одлуката беше променета и Колумбиецот беше исклучен.
Кога европскиот шампион ја искористи бројчаната предност, во 74. минута Жоао Невеш го совлада Мануел Нојер, само осум минути по неговото влегување во игра. И покрај тоа, Баварците успеаја да ја одржат победата без да примат нов гол.
Баерн дојде до шестнаесеттата победа во исто толку натпревари оваа сезона, со што дополнително го зголеми европскиот клупски рекорд за најголем број последователни победи на почетокот на сезоната. Баварците во овој период постигнаа 56 голови, примајќи само 11.
Досегашниот рекорд го држеше тимот на Милан од сезоната 1992/1993, отворајќи ја сезоната со 13 последователни победи во топ лигите. Тимот на тренерот Винсент Компани има можност да го зголеми рекордот доколку во сабота го победи Унион Берлин на гостувањето во рамките на 10. коло од Бундеслигата.
🚨 𝗥𝗘𝗖𝗢𝗥𝗗: No team in history has ever started a season with 16 wins in a row.
— Football Tweet ⚽ (@Football__Tweet) November 4, 2025
Bayern Munich are the BEST team in the world right now. ✅ pic.twitter.com/Fx3MVemLSn
Учество во игри на среќа е дозволено за лица со 18+ години. Играј одговорно!