Во Париз носеле одлуки во последен момент, Баерн испрати жалба до УЕФА!

Баерн Минхен поднесе официјална жалба до УЕФА поради полициските мерки воведени во последен момент за патувањето на нивните навивачи за вечерашниот дуел во Лигата на шампионите против ПСЖ, според As.

Германскиот шампион во своето соопштение, објавено ден пред натпреварот, истакна дека “налозите донесени од Париската полициската префектура се неприфатливи” поради “нивниот ненадеен карактер” и потешкотиите што ги предизвикуваат на навивачите на баварскиот клуб.

Баерн додаде дека, освен жалбата поднесена во текот на состанокот со УЕФА, разгледува и “други правни мерки” за да ги заштити правата на своите навивачи засегнати од организацијата на патувањето.

Француските власти во понеделникот донесоа општа наредба, според која сите автобуси со навивачи на Баерн мораа да застанат на патарините надвор од градот и потоа да продолжат кон „Паркот на Принцовите“ под полициска придружба.

Исто така, на навивачите кои пристигнале во Париз со други превозни средства им беше забрането движењето со лични автомобили, дозволувајќи им пристап до стадионот исклучиво со јавен превоз.

По завршувањето на натпреварот, сите навивачи на Баерн требаше да се вратат со истите превозни средства, а поаѓањето на автобусите кон Минхен беше предвидено околу 5 часот наутро. Мерката најавена со помалку од 24 часа однапред, предизвика огорченост кај германската управа и навивачите кои отпатуваа во Париз.

“За Баерн е неприфатливо недостатокот на претходна објава за оваа одлука, бидејќи – како и за сите натпревари на клубот – сите релевантни информации беа транспарентно објавени неделници однапред”, се вели во официјалното соопштение на клубот.

Шесткратниот европски првак додаде и дека “немаше никаква промена во безбедносната ситуација поврзана со навивачите на Баерн во однос на последниот дуел во Париз 2023 година”. ПСЖ во ова прашање покажа поддршка за баварскиот клуб и побара итен преглед на рестриктивните мерки наметнати од локалните власти.