Килијан Мбапе следната сезона ќе го носи бројот 10 во Реал, потврди клубот од Мадрид со објава на социјалните мрежи. Францускиот напаѓач ја сподели истата фотографија на својот профил на Инстаграм. Таа собра над два милиони лајкови во првите 13 часа по објавата и бројни коментари.
Меѓу нив беше и коментарот на Лука Модриќ (39), хрватскиот играч од средниот ред кој ова лето Реал го напушти и потпиша за Милан. Легендарниот капитен стави емотикон во форма на оган и неговиот коментар во моментот на пишувањето на текстот има 35 илјади лајкови и над 500 коментари.
Дејан Димовски: Скопје троши 700 литри вода дневно по жител | Уште еден поткаст ↓↓↓
Според информациите на шпанските новинари, при изборот на новата десетка пресудил огромниот маркетинг ефект кој француската суперѕвезда го донесува. Управата смета дека дресот со број 10, еден од најпрепознатливите во историјата на Реал, е идеален за играч од калибарот на Мбапе.
Фотографија: Grok AI
Учество во игри на среќа е дозволено за лица со 18+ години. Играј одговорно!