Слушнете како Маракана им оддаде почит на жртвите во Валенсија и Нови Сад

МАРАКАНА, името по кое e познат стадионот на Црвена звезда, официјално како „Рајко Митиќ“, беше полн со публика на синоќешниот натпревар од Лигата на шампионите Звезда – Барселона (2:5). Повеќе од 50 илјади луѓе пред натпреварот направија одлична атмосфера.

Кога официјалниот спикер непосредно пред натпреварот ги покани да им оддадат едноминутно молчење за да им оддадат почит на жртвите од поплавите во Валенсија и уривањето на настрешницата на железничката станица во Нови Сад, култниот стадион во Белград беше во целосен молк.

Minut ćutanja. pic.twitter.com/2WomADHbb6

— FantomBeograda (@FantomBeograda) November 6, 2024

Споменатите трагедии ги шокираа Шпанија и Србија и ги одбележаа тие две земји во последните десет дена. Во поплавите во Шпанија, кои најтешко ја погодија Валенсија, загинаа 219 лица, а 93 лица исчезнаа. Во трагедијата на станицата во Нови Сад загинаа 14 лица, а тројца се тешко повредени.