Челзи ја одреди сумата што Интер треба да ја плати за Лукаку

Ромелу Лукаку се договорил со Интер за личните услови, бидејќи силно посакува да се врати во Милано, пренесуваат италијанските медиуми.

Белгиецот минатото лето се пресели во Челзи за 115 милиони евра, но не ги оправда очекувањата и го загуби местото во првиот тим. Притоа влезе и во конфликт со тренерот Тухел и сака да се врати во Интер.

Лукаку е спремен да прифати значително намалување на платата само за да се врати во Интер. Тој прифатил 7 милиони евра по сезона, плус 2 милиони како бонуси, што е за 5 милиони евра помалку од тоа што го заработува во Челзи.

Меѓутоа, Интер не е спремен да плаќа за трансфер и го сака Белгиецот само на позајмица, а Челзи ги одреди условите.

Имено, „сините“ бараат 23 милиони евра за едногодишна позајмица и право  на откуп следното лето за додатни 70 милиони евра, а ваквите услови се неприфатливи за „нероаѕурите“.

Inter Milan could have to 'pay a loan fee of £20MILLION' to re-sign Romelu Lukaku from Chelsea https://t.co/QV7NOOQvhL

— MailOnline Sport (@MailSport) June 4, 2022