Постигнат договор: Модриќ и Реал Мадрид ја продолжуваат соработката

Лука Модриќ и наредната сезона ќе го носи дресот на Реал Мадрид.

Хрватскиот играч за врска со „кралевите“ има договор до крајот на сезоната, а како што пренесуваат шпанските медиуми двете страни постигнале согласност за продолжување на соработката.

Позната е политиката на Реал Мадрид на постарите играчи да им дава договор само на една година, па така Модриќ ќе потпише до летото 2023 година. Дресот на Реал Модриќ го носи од 2012 година кога пристигна од Тотенхем и во Мадрид освои се што можеше да освои.

Со Реал Мадрид четири пати беше шампион на Европа и светот, два пати шампион на Шпанија, еден трофеј освои во шпанскиот куп, а по три во шпанскиот и УЕФА Суперкупот.

¡No está firmado! El Real Madrid da por hecho que se va a hacer, y esa es la voluntad del jugador, pero todavía no está firmado. Sentimos la confusión 🙏🏻 https://t.co/izb8qXJUPo

— MadridistaReal (@RMadridistaReal) January 10, 2022