Несторовски и Удинезе го елиминираа Кротоне во Купот

Удинезе ја оправда фаворитската улога и го совлада Кротоне (4:0) во 16 финалето од италијанскиот Куп.

Македонскиот репрезентативец Илија Несторовски доби шанса и одигра триесетина минути на мечот.

Пусето го отвори резултатот со гол во 20. минута, а само осум минути подоцна Де Маио зголеми на 2:0. До крајот на полувремето Саксес зголеми на 3:0.

Во второто полувреме немаше возбуда бидејќи победникот беше јасен, а конечните 4:0 ги постави Пусето.

Во следното коло Несторовски и дружината ќе ги одмерат силите со Лацио.