Ренова остана без тренер, Бујар Ислами си поднесе оставка

Бујар Ислами од денеска повеќе не е тренер на Ренова откако си поднесе оставка.

Оставката доаѓа по серијата лоши резултати, а истата беше прифатена од клубот.

„Ислами не е повеќе тренер на Ренова откако си даде отказ на позицијата шеф на стручен штаб. Му благодариме за досегашниот придонес за развој на тимот во изминативе 17 месеци, и за историскиот пласман во Лигата на Европа.“ – соопштија од Ренова.

Да потсетиме, Ислами во пресрет на новата сезона потпиша нов договор со „Гипсарите“ откако претходната сезона го освои 4 место и обезбеди пласман во квалификациите за Лига Европа.