Куман ќе го користи Меси на нова позиција?

Новиот тренер на Барселона, Роналд Куман би можел да го користи Лионел Меси на нова позиција.

Дебито на клупата на Барселона Куман ќе го има на стартот од Ла Лига, а медиумите најавуваат дека ќе ја користи формацијата 4-2-3-1 во која пронашол улога за Меси кој после сапуницата се решил да остане во клубот.

Меси ќе игра на позицијата „лажно“ десно крило, а на левата страна ќе бидат Дембеле или Фати, па не е исклучено да заигра и Португалецот кој неодамна пристигна Франсис Тринкао.

Идејата на Куман е да ја рашири играта и да отвори простор на левата страна каде што брзи играчи како Дембеле, Фати или Тринако би го искористиле.

Меси ќе има слобода во нападот од него нема да се бара да се враќа назад за да ја организира играта. Холанѓанецот не сака да го троши Аргентинецот во одбраната.

Останува да видиме дали овие најави ќе се остварат и ако се остварат како Барселона ќе изгледа.