Кејн ги пропушта подготовките – мора во карантин

Најдобриот стрелец на Тотенхем, Хари Кејн не ги започна предсезонските подготовки со останатите соиграчи. Причината за ова е што напаѓачот мора да се изолира 14 дена, бидејќи беше на одмор на Бахамите.

Кога Кејн и неговото семејство заминаа на Карибите, немаше никаков услов да бидат во карантин по нивното враќање, но додека биа таму, британската влада ги вклучи Бахамите во списокот на земји, чии повратници мора да поминат задолжителна изолација.

Поради оваа причина, Кејн ќе ја пропушти утрешната прва контролна на Тотенхем против Ипсвич.

Напаѓачот ќе се приклучи на тимот следната недела, иако медиумите на Островот не прецизираат кога точно тоа ќе се случи.

Кејн се очекува да биде подготвен за натпреварите на Англија со Исланд и Данска во Лигата на нации на почетокот на септември.